Հրաձգության հրահանգչի որակավորման ստուգման թեստ

Քննության մասին

Թեստային քննություն՝ հրաձգության հրահանգչի որակավորման վկայական ստանալ ցանկացող անձանց համար, ՀՀ ներքին գործերի նախարարի 2024 թ. մայիսի 16-ի թիվ 8-Ն հրամանի (հավելված 2) համաձայն։ Քննությունն անցկացվում է էլեկտրոնային եղանակով, հայերենով՝ թեստավորման առաջադրանքը 6 հարց է, յուրաքանչյուրը՝ երեք հնարավոր պատասխանով, որոնցից մեկն է ճիշտ։ Տրվում է 30 րոպե, դրական գնահատական է՝ 6 հարցից 5-ին ճիշտ պատասխանելը։ Գիտելիքների ստուգմանը զուգահեռ ստուգվում են նաև զենքի հետ վարվելու գործնական հմտությունները (հրամանում նշված զենքի տեսակների մասնակի քանդում և հավաքում)։ Հարցաշարը (առավելագույնը հարյուր հարց) պարտադիր հրապարակվում է azdarar.am կայքում՝ քննությունից առնվազն վեց ամիս առաջ։ Այս հարցաշարը հրաձգության հրահանգչի որակավորման ստուգման հանձնաժողովի 2024 թ. որոշման հավելված 1-ն է՝ 51 հարցով (բնօրինակում հարցերը համարակալված են մինչև 50, 21 համարը կրկնվում է)։ Պաշտոնական հարցաշարում ճիշտ պատասխանը միշտ առաջինն է (51 հարցից 51-ում), ուստի այստեղ պատասխանները ներկայացվում են պատահական հերթականությամբ։ Նախարարության կայքի՝ հարցաշարով էջը 2026 թ. հոկտեմբերից այլևս հասանելի չէ, ուստի աղբյուրն Ինտերնետ արխիվի պատճենն է։

Հարցաշարեր

Պաշտոնական աղբյուր